အဆင့်မြင့် ဒစ်ဂျစ်တယ် ဓာတ်ပုံပညာ


ပုံရိပ်ဖမ်းလွှာ၏ ပုံရိပ်ပြတ်သားနိုင်မှုကိုဘယ်လိုတိုင်းတာပါသလဲ

ဒစ်ဂျစ်တယ်ဓာတ်ပုံ ပုံရိပ်ကို လက်မ သို့မဟုတ် စင်တီမီတာအားဖြင့်တိုင်းတာခြင်းမဟုတ်ပဲ PIXELS ပစ်ဇယ်ဖြင့် တိုင်းတာခြင်းဖြစ် ပါသည်။ ပုံရိပ် ဖမ်းစဉ် စီစီဒီ ပုံရိပ်ဖမ်းလွှာ CCD SENSOR ၏ ယူနစ်တစ်ခုသည် ပစ်ဇယ်တစ်ခုပင်ဖြစ်ပါသည်။ ဒစ်ဂျစ်တယ်ကင် မရာ၏ ပုံရိပ်ဖမ်းလွှာတွင် သတ်မှတ်ထားသော ပုံရိပ်ဖမ်းလွှာယူနစ် အရေအတွက်ရှိသော ကြောင့်နောက်ဆုံး ပုံရိပ်ဖမ်းဖိုင်တွဲ၏ ပစ်ဇယ်အတိုင်းအတာများသည် ၎င်းပုံရိပ်ဖမ်းလွှာကို ပြုလုပ်ထားသောCHIPပစ္စည်းနှင့်တိုက်ရိုက်ဆက်နွယ်မှု ရှိပါသည်။ *ပုံရိပ်ဖမ်းလွှာ၏ ပုံရိပ်ပြတ်သားမှုသည် ပုံရိပ်ဖမ်းလွှာ၏ အနံနှင့်အလျှားတို့ရှိပစ်ဇယ်အရေအတွက်များကိုမြှောက်ခြင်း ဖြင့် ဖော်ပြနိုင်ပါသည်။ အကယ်၍ ပုံရိပ်ပြတ်သားနိုင်မှုကို 1200 x 1600 ဟု ဖော်ပြနိုင်ပါသည်။ ၎င်းအတိုင်းအတာ (၂) ခုကို တကယ်တမ်း မြှောက်ကြည့်ပါက 1,920,000 ရလဒ်ဖြစ်သောကြောင့် အကြမ်းဖျင်းအားဖြင့်

2 MILLION PIXELS (2.0 MEGA PIXELS) ပုံရိပ်ဖမ်းလွှာဟု ခေါ်ဆိုနိုင်ပါသည်။

*ဒစ်ဂျစ်တယ်ဓာတ်ပုံများကိုပရင်တာဖြင့် ပုံဖော်ထုတ်လိုက်သည့်အခါ ပစ်ဇယ်များသည် စက္ကူ၏ မျက်နှာ ပြင်တွင်သတ်မှတ်ချက်အတိုင်း တစ်လက်မတွင် သို့မဟုတ် တစ်စင်တီမီတာတွင် ပစ်ဇယ်ဘယ်မျှဟု ပြန့်ကျဲသွားမည်။ ထိုသ ဘောတရားမှ ပုံဖော်မှု အခေါ်အဝေါ် PRITING TERM DOTS ဖြစ်သော PER INCH-DPI (တစ်လက္မတွင် မှင်စက်သန်းပေါင်း) ဆိုတာဖြစ်ပေါ်လာရခြင်းဖြစ်ပါသည်။

*ဖလင်ဓာတ်ပုံပညာကင်မရာနှင့် ဒစ်ဂျစ်တယ်ဓာတ်ပုံပညာကင်မရာ(၂)မျိုးကိုအကြမ်းဖျင်း နှိုင်ယှဉ်ဖော်ပြပါမည်။

LENS

မှန်ဘီလူး

မှန်ဘီလူး၏ အဓိကလုပ်ဆောင်ချက်မှာ ရိုက်ကွင်းမှပုံရိပ်များကို ဖလင် သို့မဟုတ် ဒစ် ဂျစ်တယ်ပုံရိပ်ဖမ်းလွှာ SENSOR ပေါ်တွင်ကြည်လင်ပြတ်သားအောင် ချိန်ယူပေးရန်ဖြစ်ပါသည်။ ယနေ့ထုတ်လုပ်သော ဖလင် ကင်မရာများနှင့် ဒစ်ဂျစ်တယ်ကင်မရာများမှ မှန်ဘီလူးနှစ်မျိုးစလုံးသည် သတ်မှတ်ချက်တာဝန်ကို တူညီစွာထမ်းဆောင်နေသဖြင့် ကွာခြားမှုမရှိလှပါ။ ကင်မရာ ကိုယ်ထည်မှ မှန်ဘီလူးများ ဖြုတ်/ တပ် လဲလှယ် နိုင်ခြင်း ရှိ / မရှိနှင့် တပ်ဆင်ထားသောမှန် ဘီလူး၏ စွမ်းရည်များကွာခြားနေမျှသာ ကွာခြားမှုရှိပါသည်။


VIEW FINDER

ပုံရိပ်ကြည့်စနစ်

ကင်မရာ၏ ပုံရိပ်ကြည့်ပေါက် တွင် မည်သည့်အမျိုးအစားကင်မရာ ကိုင်တွယ်သည်ဖြစ်စေ ဓာတ်ပုံရိုက်မည့်မြင်ကွင်း ဓာတ်ပုံအယူအဆကို စိတ်တိုင်းကျရွှေး ချယ်ပြီးနောက် စိတ်တိုင်းကျချိန်တွင် ပုံရိပ်ဖမ်းရန် ကင်မရာခလုတ်ကို နှိပ်လိုက်ရမည်ဖြစ်သည်။ ဒစ်ဂျစ်တယ်ကင်မရာများတွင် ဓာတ်ပုံရိုက်မည့်မှန်ဘီလူးနှင့် မပတ်သက်သော သီးခြားပုံရိပ် ချောင်းကြည့်ပေါက်ရှိတတ်ပြီး ကင်မရာ၏ နောက်ကျောဘက်တွင် ဓာတ်ပုံမရိုက်မှီနှင့် ဓာတ်ပုံရိုက်ပြီးနောက် ပြန်၍ ဓာတ်ပုံကိုကြည့်ရှုစစ်ဆေးရန် သီးခြားပုံရိပ်ကြည့်မှန် LCD SCREEN ပါရှိသည်။


SHUTTER အလင်းတံခါး

အသေးစိတ်ကိုဒီမှာကြည့်ပါ

ရှတ်တာခေါ် အလင်းတံခါးသည် ကင်မရာထဲရှိ ဖလင်၏မျက်နှာပြင်သော်လည်းကောင်း ပုံရိပ်ဖမ်းလွှာ SENSOR ပေါ်သို့ကျ ရောက်မည့် ပုံရိပ်၏ အလင်းအားကို ထိန်းချုပ်ပေးသောပစ္စည်းဖြစ်သည်။ ဖလင်ကင်မရာစနစ်တွင်များသောအားဖြင့် ပါးလွာ သောသတ္တုတစ်မျိုးဖြင့်ပြုလုပ်ထားသော တံခါးဖြစ်သည်။ ထိုတံခါးသည် ဓာတ်ပုံရိုက်စဉ် အပေါ်သို့ ပင့်တက်သွားပြီး လုံလောက် သည့်ပုံရိပ်၏ အလင်းပမာဏ ဖလင်ပေါ်သို့ကျရောက်ပြီးချိန်တွင် ၎င်းအလင်းတံခါး ပြန်ကျ၍ ပိတ်သွားသည်။ ဒစ်ဂျစ်တယ်ကင် မရာ တစ်ချို့တွင် အထက်ပါအတိုင်း အလင်းတံခါးစနစ်ကို အသုံးပြုသော်လည်း အချို့ကင်မရာများတွင် ပုံရိပ်ဖမ်းလွှာ CCD SENSOR ကိုခလုတ်ဖြင့် ဖွင့်ခြင်းပိတ်ခြင်းပြုလုပ်ပေးပါသည်။


APERTURE အလင်းဝင်ပေါက်

အသေးစိတ်ကိုဒီမှာကြည့်ပါ

လင်းဝင်ပေါက်သည်ကင်မရထဲသို့ ပုံရိပ်၏ အလင်းအနေတော်ဝင်ရောက်လာရန် ထိန်းချုပ်ပေးသော ကျဉ်း / ကျယ် ပြုလုပ်ပေး နိုင်သည့်အပေါက်ဖြစ်သည်။ အလင်းများလျှင် ၀င်ပေါက်ကျဉ်းသွားပြီး အလင်းနည်းသည့်အခါ အလင်းဝင်ပေါက်ကျယ်သွားသည်။ ဒစ်ဂျစ်တယ်ကင်မရာနှင့် ဖလင်ကင်မရာတွင် အသုံးပြုသောစနစ်အတူတူပင်ဖြစ်ပါသည်။


THE FILM ပုံရိပ်ဖမ်းလွှာဖလင်

ဒစ်ဂျစ်တယ်ကင်မရာတွင် ဖလင်ကိုမသုံးဘဲ အလင်းသိပုံရိပ်ဖမ်းလွှာကို အသုံးပြုသည်။ အချို့ဒစ်ဂျစ်တယ်ကင်မရာများတွင် POLYSILICON ဖြင့်ပြုလုပ်ထားသော စီစီဒီ SENSOR အလင်းသိလွှာကိုအသုံးပြုပြီး အချို့ကတော့ CMOS အလင်းသိလွှာကို အသုံးပြုသည်။ ၎င်းပုံရိပ်ဖမ်းလွှာသည် ဓာတ်ပုံရိုက်စဉ် ရှု့ခင်းပုံရိပ်၏ အလင်းသိပမာဏနှင့် အရောင်ပမာဏ၏ ပတ်သက်သော အချက်အလက်များ ဖမ်းယူပေးသော အလင်းသိလွှာဖြစ်ပါသည်။ ဒစ်ဂျစ်တယ်ကင်မရာ အတော်များများတွင် အရောင်များဖမ်း ယူရန်အရောင်စနစ်ကို RGB နီစိမ်းပြာ အရောင်စနစ်ကို အသုံးပြုသော်လည်း အချို့ ဒစ်ဂျစ်တယ်ကင်မရာများတွင် YMC ၀ါမာဂျင်တာစိုင်ယင်အရောင်စနစ်ကို အသုံးပြုခဲ့ပါသည်။ ဤစနစ်ကို ကိုဒက်ကုမ္ပဏီမှ စတင်တီထွင်အသုံးပြုခဲ့ခြင်းဖြစ်ပါသည်။ RGB အရောင်စနစ်သုံး ဒစ်ဂျစ်တယ်ကင်မရာများ၏ ပုံရိပ်ဖမ်းလွှာ SENSOR ၏အလင်းသိအား သည် ISO 100 မှ ISO 800 ခန့် ဖြစ်သော်လည်း YMC အရောင်သုံးစနစ်တွင် ဒစ်ဂျစ်တယ်ကင်မရာများ၏ ပုံရိပ်ဖမ်းလွှာ၏ အလင်းသိအားသည် ISO 6400 အထိ မြန်သောကြောင့်အလင်းအားနည်းသောနေရာများတွင် သတင်းဓာတ်ပုံရိုက်ရန် သတင်းဓာတ်ပုံသမားများအတွက် အလွန်အဆင်ပြေပါသည်။ ရှေ့ပိုင်းတွင် အဘယ်ကြောင့် လက်ရှိဒစ်ဂျစ်တယ် ကင်မရာများသည် ယနေ့အခြေအနေအရ ဖလင် ကင်မရာ၏ 35 mm အရွယ် ရောင်စုံဆလိုက်ဖလင်၏ အဆင့်ကိုမမှီနိုင်သေးသည်ကို ဆွေးနွေးတင်ပြခဲ့ပြီးဖြစ်ပါသည်။ သို့သော် လင်ရှိုထွက်ပေါ်လာသည့် ဒစ်ဂျစ်တယ်ကင်မရာများ၏ ဓာတ်ပုံအဆင့်အတန်းသည်ပင် ယခုခေတ်နေ့စဉ်သုံး ရောင်စုံဓာတ်ပုံ လုပ်ငန်းများ၊ သတင်းဓာတ်ပုံလုပ်ငန်းများနှင့် စီးပွားရေးကြော်ငြာဓာတ်ပုံလုပ်ငန်းများအတွက် ထက်လွန်ကျော်လွန်၍ ဓာတ်ပုံ ပြိုင်ပွဲကြီးများတွင် ၀င်ရောက်ယှန်ပြိုင်ရန် ဓာတ်ပုံအဆင့်အထိ ရောင်စုံဓာတ်ပုံများ၏ ကောင်းခြင်းအဆင့်သည် အံ့သြလောင် အောင် အဆင့်မှီနေပြီးဖြစ်ပါသည်။ မှန်ပါသည် အထူးစီးပွားရေး ဓာတ်ပုံလုပ်ငန်းများတွင် အသုံးပြုနေသော ဖလင်ကြီးသုံး ကင်မရများဖြစ်သော ဖလင်အရွယ် 6×7 cm, 6x9cm, 4”x5”, 8”x10” ရောင်စုံဆလိုက်ဖလင်ကြီးများ ၏ ဓာတ်ပုံ အဆင့်အတန်း ကိုဖြင့် နှစ်ပေါင်းမည်မျှ ကြာမှ မျက်စောင်းထိုးနိုင်မည်ကိုဖြင့် စာရေးသူအနေဖြင့် ဗေဒင်ဟောကိန်း မထုတ်နိုင်သေးပါ။

Advertisements

Comments on: "ပုံရိပ်ပြတ်သားနိုင်မှုကိုတိုင်းတာခြင်း" (2)

  1. ဆရာချစ်ခင်ဗျာ…………..ကျွန်တော့မှာNikon D300 နဲ့  Tamron 70-200mm 2.8 len ,nikon 18-200mm 3.5 တို့ ရှိပါတယ်ခင်ဗျာကျွန်တော်ဓါတ်ပုံရိုက်တာဝါသနာပါပါတယ်ခင်ဗျာကင်မရာတလုံးရှိပြီဆိုရင်မည်သည့် lens များဟာအကောင်းဆုံးဖြစ်နိုင်မလဲဆိုတာကိုတချက်လောက်ပြောပြပေးပါ..nikon 50mm 1.8 len တလုံးလဲရှိပါတယ်……

    • ဟုတ်ကဲ့ Mr.John ရဲ့ ကင်မရာနဲ့အဆင်အပြေဆုံးLen သုံးဖို့ ကျနော့်အနေနဲ့ nikon 18-200mm 3.5 ကိုရွေးမိမှာအမှန်ပါ။ ဒါပေမဲ့ ကိုယ်ရိုက်မယ် Subject အပေါ်မူတည်ပြီးတော့လဲ ဘယ် len ကိုသုံးရမလဲဆိုတာရှိပါသေးတယ်။ indoor မှာဆိုရင် nikon 50mm 1.8 len ကိုသုံးလို့ကောင်းသလို outdoor မှာဆိုရင်လဲ Tamron 70-200mm 2.8 len ကို စိတ်ရှိလက်ရှိ စိတ်ကြိုက်ဆွဲးလို့ကောင်းပါတယ်။
      အားလုံးအဆင်ပြေပါစေလို့ဆုတောင်းပါတယ်။ ခင်မင်စွာဖြင့် ဓာတ်ပုံ-ချစ်ဦး-မော်လမြိုင်

Comments are closed.

%d bloggers like this: